Song lyrics

Marubadi Nee

மறுபடி நீ

From Yezhu Kadal Yezhu Malai · 2026

163 views

Singer · Yuvan Shankar Raja, Siddharth

Lyrics · Madhan Karky

The lyrics

போர் ஏதும் இல்லை வேறேதும் இல்லை
ஆனாலும் பூமி அதிர்வது ஏன் சொல்லடி
விண்மீன்கள் இல்லை நிலாவும் இல்லை
ஆனாலும் வானம் ஒளிர்வது ஏன் சொல்லடி

இமைகளை மூடாமலே இருதயம் தான் பார்க்குதா
இருபது கால் பாய்ச்சலில் இரு விழியும் ஓடுதா

மறுபடி நீ மறுபடி நீ

போர் ஏதும் இல்லை வேறேதும் இல்லை
ஆனாலும் பூமி அதிர்வது ஏன் சொல்லடி
விண்மீன்கள் இல்லை நிலாவும் இல்லை
ஆனாலும் வானம் ஒளிர்வது ஏன் சொல்லடி

அதிகாலை கதிராகவே உதித்தாயே புதிதாக்கவே
உன்னாலே விடிவொன்று என்னில் பெண்ணே

தடமில்லா மணலாகவோ அலையில்லா புனலாகவோ
வாழ்ந்தேனே நீ பாதம் வைக்கும் முன்னே

பேரலையாய் எந்தன் வானத்தின் நாணம் தீண்ட வந்தாயா
கார் முகிலாய் எந்தன் நெஞ்சத்தின் ஆழம் தாண்ட வந்தாயா

காற்று என என்னை நீ தூய்மை செய்து ஓடி போவாயா
காயம் என எப்போதும் நீ என் தோழி ஆவாயா

கேள்விக் கொக்கியில் மாட்டிக்கொண்ட நீ
எந்தன் பூமியில் மறுபடி நீ மறுபடி நீ

பிரிந்தாலும் பிரியாமலே ஒரு பூவும் உதிராமலே
என் நெஞ்சின் காடெங்கும் என்றும் நீயே

யுகம் எல்லாம் கடந்தாலுமே தனியாய் நான் நடந்தாலுமே
என் தீயின் நிழலாக என்றும் நீயே

வாசனைகள் கோடி என் வானில் வீச மூச்சிழந்தேனே
உன் வரவின் ஒற்றை வாசத்துக்காக காத்திருந்தேனே

சுவாசம் என உன்னை நான் உட்கொள்ளும் செய்கை மீமிகை இல்லை
காதல் என நான் உன்னை சொன்னால் நியாயமும் இல்லை

சொல்லில் சிக்கிடா அர்த்தம் போல நீ
கண்ணில் சிக்கினாய் மறுபடி நீ மறுபடி நீ

Daily fan votingBigg Boss Tamil 10Choose your favourite contestant in the all-time poll. Vote now

← Back to Yezhu Kadal Yezhu Malai

Keep listening

Marubadi Nee

The lyrics

More from this movie

Marubadi Nee மறுபடி நீ

Yezhezhu Malai ஏழேழு மலை